“Гімн нашчадкаў беларускай шляхты” Музыка:Ганна Казлова Словы: Ганна Казлова, Таццяна Сінкевіч
1.
Тут сыйшліся ўсход і захад
– Скрыжаванні ўсіх шляхоў…
У сечах пралівалі разам
Браты-народы сваю кроў.
Яшчэ ў Грунвальдзе з’явілась
Славутасць гербаў і сцягоў,
І мужнасць шляхты беларускай,
Адданасць ўсіх яе сыноў.
Прыпеў: (2 р.)
Пане браце!
Будзем разам
Славу продкаў ухваляць,
Каб любоў да родных ніваў
У нашых сэрцах зберагаць.
2.
Бог паказвае дарогу:
Гонар даражэй жыцця!
Верым у праўды перамогу –
Свет нам будзе, як сям’я!
Шчырасць, Годнасць і Сумленне –
Цэнныя ва ўсе вякі.
Не пакіне нас Натхненне,
Узыдуць Роду каласы.
Прыпеў: (2 р.)
3.
Нас народ благаслаўляе
Шляхам Еднасці ісьці,
Каб цябе, Зямля Святая,
Назаўсёды зберагчы!
Гонар, Годнасць і Сумленне –
Цэнныя ва ўсе вякі.
Не пакіне нас Натхненне,
Узыдуць Роду каласы.
